អង្គការសុខភាពពិភពលោក (WHO) បានរាយការណ៍ពីរករណីនៃអ្នកស្លាប់ដោយសារជំងឺអុតស្វា ចាប់តាំងពីបច្ចុប្បន្នភាពរបស់វានៅថ្ងៃទី២៧ មិថុនា ដែលនាំឱ្យមានអ្នកស្លាប់បីនាក់ហើយនៅឆ្នាំនេះ។
WHO ក៏បាននិយាយផងដែរថា ជំងឺនេះបានរីករាលដាលតំបន់ថ្មីជាច្រើន។
WHO និយាយថា ករណីបានកើតឡើងរហូតដល់៧៧ភាគរយចាប់តាំងពីការរាយការណ៍ចុងក្រោយចំនួន៦.០២៧ ដែលភាគច្រើននៃពួកវាផ្ទុះនៅតំបន់អឺរ៉ុប។
យ៉ាងណាមិញ អ្នកស្លាប់បីនាក់ត្រូវបានរាយការណ៍ក្នុងប្រទេសអាហ្រ្វិក។
ការធ្វើបច្ចុប្បន្នភាពក៏បានបង្ហាញថា ច្រើនជាង៩៩ភាគរយនៃករណីសម្រាប់ព័ត៌មានភេទនៃអ្នកឆ្លងគឺជាបុរស។
របាយការណ៍នោះគេនិយាយថា “ការផ្ទុះឡើងបន្តជះឥទ្ធិពលជាចម្បងលើបុរសដែលរួមភេទជាមួយបុរសដែលបានរាយការណ៍អំពីការរួមភេទនាពេលថ្មីៗនេះជាមួយដៃគូបុរសមួយ ឬច្រើននាក់ ដោយបង្ហាញថាមិនមានសញ្ញានៃការចម្លងបន្តលើសពីបណ្តាញទាំងនេះសម្រាប់ពេលនេះទេ” ។
ទីភ្នាក់ងារអង្គការសហប្រជាជាតិដែលមានមូលដ្ឋាននៅទីក្រុងហ្សឺណែវនឹងកោះប្រជុំគណៈកម្មាធិការដែលនឹងផ្តល់យោបល់លើការប្រកាសការផ្ទុះឡើងនៃគ្រាអាសន្នផ្នែកសុខភាពសកល ដែលជាកម្រិតប្រកាសអាសន្នខ្ពស់បំផុតរបស់អង្គការសុខភាពពិភពលោកក្នុងសប្តាហ៍ដែលចាប់ផ្តើមពីថ្ងៃទី ១៨ ខែកក្កដា ឬឆាប់ជាងនេះ៕
