នរណាៗ​ក៏​ធុំក្លិន​មាត់​ដែរ តែបើចង់​បំបាត់​ក្លិន​មាត់​សូម​សាក​ក្រូចឆ្មា និង​ដុំ​ទឹកកក​

បញ្ហាក្លិនមាត់មានក្លិនមិនល្អ ឬ ក្លិនមាត់ស្អុយ គឺជារឿងដ៏សាមញ្ញមួយ ដែលតែងតែកើតមាននៅលើ មនុស្សគ្រប់វ័យទាំងអស់ មិនថា មនុស្សប្រុស ស្រី ចាស់ ឬ ក្មេងនោះទេ ប្រសិនអ្នកទាំងអស់នោះ មិនថែរក្សា និង សំអាតមាត់ធ្មេញ ជារៀងរាល់ថ្ងៃ។ ក្លិនមាត់មិនល្អ គឺជារឿងដ៏អាក្រក់បំផុត នៅពេល ដែលអ្នកចាប់ផ្តើមនិយាយទៅកាន់មនុស្សនៅជុំវិញខ្លួនរបស់អ្នក នៅក្នុងថ្នាក់រៀន កន្លែងការងារ និង នៅគ្រប់ទីកន្លែងទាំងអស់ ក្លិនមាត់ស្អុយរបស់អ្នក នឹងធ្វើឱ្យប៉ះពាល់ដល់អារម្មណ៍អ្នកនៅជុំវិញខ្លួន ជាមិនខាន ជាពិសេស​ចំពោះ​អ្នកធ្វើការ​ផ្នែក​ទំនាក់ទំនង​តែម្តង​។

ប៉ុន្តែ​សូមកុំ​បារម្ភ អនុវត្តតាម​វិធី​ខាងក្រោម​លោកអ្នក​នឹង​លែង​បារម្ភ​រឿង​ក្លិន​មាត់​ទៀតហើយ​៖

គ្រឿងផ្សំ​

  • ទឹកស្អាត​
  • ទឹកក្រូច​ភ្លា ឬ​ក្រូចឆ្មា ១/២ នៃ​កូន​កែវ​កាហ្វេ​
  • ដុំ​ទឹកកក​មួយ​សាង (១០ ទៅ ១២ ដុំ​)

ស្រោច​ទឹកក្រូច​ឆ្មា​លើ​ដុំ​ទឹកកក​នីមួយៗ ដែល​ទុក​ក្នុង​ទូទឹកកក រួច​កូរ​វា​បន្តិច ដើម្បីឱ្យ​ចូលជាតិ​។ បន្ទាប់មក​ទុក​វា​ឱ្យ​កក​នៅក្នុង​ទូទឹកកក​។

​ពេល​ដុំ​ទឹកកក​ក្រូចឆ្មា​រឹង​ហើយ​នោះ លោកអ្នក​អាច​ដំ​បំបែក​វា​តូចៗ រួច​បៀម​វា​ឱ្យ​រលាយ​ក្នុង​មាត់​ជាការ​ស្រេច​។ ដុំ​ទឹកកក​នៅសល់​អាច​ប្រើ​បាន​ថ្ងៃក្រោយៗ​ទៀត​។ បើ​មិន​ចង់​បៀម​ដុំ​ទឹកកក​ទេ លោកអ្នក​អាចដាក់​ដុំ​ទឹកកក​ចូល​ទឹក​ផឹក​ធម្មតា ដើម្បីឱ្យ​វារ​ក្សា​ប្រសិទ្ធភាព​បានយូរ​។ ត្រូវ​ចាំ អាស៊ីត​ក្រូចឆ្មា​ច្រើន​អាចធ្វើឱ្យ​ខូចការ​ចារ​ធ្មេញ ដូច្នេះ​មិនត្រូវ​ដាក់​វា​ច្រើន​ហួស​កម្រិត​ណែនាំ​ខាងលើ​នោះទេ​៕